Mia Vivo - nova socia retejo por esperantistoj

Mia Vivo estas socia retejo por Esperantistoj. Estas loko por ebligi kaj kuraĝigi pli aktivan retan vivon Esperante.

Mia Vivo estas nekomerca projekto kaj pluvivas nur per mondonacoj. Ĉiuj partoj estas senkotize kaj ni nepre ne uzas aŭ vendas viajn informojn por io ajn kialo.

Mia Vivo estas simila kun aliaj sociaj retejoj: vi povas afiŝi kaj komenti afiŝojn de aliuloj, alŝuti bildojn kaj fotojn, disdoni informojn kaj filmojn de aliaj retejoj, krei kaj aliĝi en grupojn, babili, konektiĝi kaj amikiĝi. Per Esperanto kaj nur per Esperanto.

Aŭ progresanto aŭ komencanto, ĉiuj estas egale bonvenaj!

Vizitu Mia Vivo.



Jarkunveno de 2021 per Zoom

Pro la situacio de Covid-19, ni bedaŭrinde ne povos okazigi fizikan jarkunvenon komence de 2021. La estraro do decidis, ke la jarkunveno 2021 okazos en la formo de videorenkontiĝo helpe de Zoom. La jarkunveno okazos dum la unua duono de 2021 kaj ĉiuj koncernatoj ricevos informojn pri tio.

Kore, La Estraro de SLEA.



Jen la nova libro!

Malvarma bufedo de Jenny Wrangborg nun eldonita de Sveda Laborista Esperanto-Asocio en kunlaboro kun Eldona Societo Esperanto.
MALVARMA BUFEDO

Aŭtoro: Jenny Wrangborg
Antaŭparolo: Göran Greider
Eldoninto: SLEA (en kunlaboru kun Eldona Societo Esperanto)
Tradukisto: Gunnar Gällmo
Kovrilo: Mattias Elftorp
Eldonjaro: 2017

La bufedistino laboras en kafejo en Gotenburgo. Ĉirkau ŝi svarmas homoj kun siaj sortoj. La malvarma bufedo, ŝia laborejo, iĝas nabo por amikeco, pasioj kaj sonĝoj. Sed ankaŭ por pensoj pri egaleco, kaj la ideo ke ĉio devus esti alia.

"La malvarma bufedo" estas poemaro kaj kolektiva historio, la rakonto pri lukto de laborantaj homoj en kuirejo.

Sendu vian mendon kaj demandojn al la retpostadreso: slea.smolando@hotmail.com

SLEA eldonis la libron La Korto de Kristian Lundberg!


SLEA eldonis la libron La Korto de Kristian Lundberg dum la jarkunveno en Göteborg, 28 marto, 2015.

Mendu la libron jam hodiaŭ.

Prezo:

En Svedio:

70 SEK (+ 15 SEK por afranko).
Membro de SLEA nur 50 SEK (+ 15 SEK prezo de afranko).

En Eŭropo: 70 SEK (+ 56 SEK prezo de afranko).

En la mondo ekster Eŭropo: 70 SEK (+ 60 SEK prezo de afranko).

Se vi volas mendi la libron skribu al: slea.smolando@hotmail.com

Eldonos de Sveda Laborista Esperanto-Asocio en kunlaboro kun Eldona Societo Esperanto.

"La Korto" temas pri senŝirmeco kaj travivado, pri la kondiĉoj de la laboro kaj pri mono - haveblo sed ĉefe malhaveblo de mono. Estas ankaŭ rakonto pri la junaĝo de la verkisto en la ombra parto de la socio.

Kaptita en maŝaro de ŝuldoj, Kristian serĉas laboron en la plej multspecaj lokoj. Fine li estas dungata en la haveno de Malmö, en "La Korto", inter la homoj pohore dungitaj de laborperanta entrepreno, kun la plej aĉaj laborkondiĉoj. Li movas aŭtojn sub severa kontrolo kaj en ĉiuj veteroj. Malrapide la reveno al la korpa laboro, kiu ekis lian profesian vivon, iĝas vojaĝo reen al la infanaĝo, sed ankaŭ kvitiĝo kun la kondiĉoj de la moderna laborvivo.

Kristian Lundberg faras inversan klasvojaĝon, kie la jaroj ĉefe dediĉitaj al verkado subite ŝajnas interludo. Li reiras al la mondo de kie li unue venis. Ne pro nostalgiaj kaŭzoj, sed ĉar ne troveblas alia solvo.

Novaĵoj

Blogoj

Socialaj komunikiloj

Sociaj retejoj

Mia Vivo

Filmkolektujo

Tubaro

Trovi esperantistojn

Amikumu

Amikoj

SAT

Eldona Fako Kooperativa de SAT

SAT Amikaro

SATeH

Lernu Esperanton
lernu"

duolingo"